Rreth Nesh
Eco-Land u krijua nga një grup ambientalistësh të apasionuar të cilët besojnë se ndryshimi i vërtetë fillon pikërisht aty ku jetojmë – në komunitetet tona. Qëllimi është të rritemi me veprime të vogla, hap pas hapi në një lëvizje bazë që bashkon njerëzit për t'u kujdesur për mjedisin në Kosovë dhe më gjerë.
Misioni ynë është i thjeshtë: ta shndërrojmë ndërgjegjësimin në veprim. Në vend që të flasim vetëm për problemet mjedisore, ne preferojmë t’i përveshim mëngët dhe bëjmë diçka për to – qoftë edukim mjedisor, mbjellje pemësh, pastrim hapësirash publike, mbrojtje lumenjsh apo krijim më shumë zonash të gjelbra për t'u shijuar nga të gjithë.
Në Eco-Land, ne besojmë se veprimet e vogla, kur bëhen me zemër, mund të bëjnë një ndryshim të madh. Së bashku me komunitetet lokale, po përpiqemi të ndërtojmë një të ardhme më të pastër, më të gjelbër dhe më të qëndrueshme, për ne, por edhe për brezat e ardhshëm.
Siç tha dikur Nënë Tereza: “Jo të gjithë ne mund të bëjmë gjëra të mëdha. Por ne mund të bëjmë gjëra të vogla me dashuri të madhe.”
Objektivat
• Rritja e ndërgjegjësimit mjedisor të komuniteteve lokale, veçanërisht të gjeneratave të reja dhe komuniteteve të margjinalizuara, përmes përfshirjes aktive.
• Mbrojtja e mjedisit përmes aktiviteteve konkrete. Aksione pastrimi, mbjellje pemësh, organizim
workshop-esh dhe diskutimesh mjedisore.
• Rritja e përfaqësimit të komuniteteve në vendimmarrje për çështjet mjedisore.
Shërbimet
Shërbimet
• Edukimi dhe rritja e ndërgjegjësimit mjedisor në komunitetet lokale
• Trajnimi dhe ndërtimi i kapaciteteve profesionale
Konsulencë mbi çështjet mjedisore Areas
• Hartimi i dokumenteve strategjike, planeve të menaxhimit për pyjet dhe zonat e mbrojtura.
• Studime shkencore në fushën e mjedisit dhe turizmit malor
• Mbështetje për praktikat e ekonomisë rrethore në zonat e mbrojtura
• Certifikimi i shtëpizave dhe akomodimeve miqësore me mjedisin
• Hartëzimi dhe krijimi i bazave të të dhënave GIS mjedisore
Pyetje?
Nëse jeni të interesuar për shërbimet ose programet tona mjedisore, dëshironi të bashkëpunoni me ne
ose thjesht keni një pyetje, ne jemi këtu për t’ju ndihmuar dhe për t’ju dëgjuar.